01 · 突然離席
食飯食到一半，大花面色一沉：「我去處理一件大事。」大粒望住佢衝入廁所，宣布進入一級戒備。
02 · 五分鐘後
比比貼住門問需唔需要支援；大眼負責睇鐘；法法開始為大花默哀。入面只傳出：「唔好催！」
03 · 十五分鐘後
多牙想咬門救人，純純舉牌寫住「有味」。攬攬攬住門柄，現場由救援變成裝修。
04 · 三十分鐘後
篤篤不停篤門，老返提出古法方案：擺杯熱水喺門口。二佬Bow開始寫危機報告。
05 · 四十五分鐘後
大佬Pi準備召開記者會，旺財已經霸咗大花張櫈。一仔同馬仔響咹，表示車隊等到冇油。
06 · 真相大白
門終於開。大花精神奕奕行出嚟：「痾完好耐啦，我打緊機啫。」大粒：你頭先處理嗰件大事，係每日任務？