🍜 撈麵引渡計劃

大粒喺公司飯堂見到厚切餐肉、五香肉丁印尼撈麵，即刻拎手機影相：「大花見到一定心郁郁。」

大花收到相，雙眼即刻發光：「呢個係我最愛！點解我今日唔喺你公司返工㗎？」比比同仔s全部探頭圍觀。

比比主持緊急會議，篤篤畫低路線；老返、二佬Bow、大佬Pi同攬攬研究點樣安全送碗麵返屋企。

一仔、馬仔開燈候命，旺財負責守住保溫袋；大粒放工前正式啟動「撈麵引渡行動」。

門一開，大花捧住熱辣辣嘅撈麵，大粒、大眼、法法、多牙、純純同攬攬一齊歡呼。

全家圍枱分享。大花食第一啖即刻安靜晒；比比點頭總結：「確認，呢碗麵有家庭維穩作用。」