🔋 4%電大作戰

大粒拖住行李：「我去澳門玩足一日！」大花遞上充電器：「記得叉滿電先出門。」大粒：「放心，100%！」

大粒喺澳門玩到忘形：影相、開地圖、掃QR、碌餐牌……黃昏時電話靜靜跌到20%。

夜晚喺碼頭等船，電話彈出紅色警告：4%。大粒：「仲要報平安、導航、叫車……4%夠唔夠呀？」

大花打極都唔通，比比宣布：「大粒失聯！」大花：「佢話得返4%電，要留返救命用。」全家開始望住個門口。

大粒用僅餘電量send一句「我返緊嚟」、開導航、叫車——每次解鎖都心跳加速，最後1%嗰陣終於上到車。

大粒一入屋，電話應聲自動熄機。比比：「4%電，係咪澳門手信？」大粒：「啱啱好夠用咋。」大花拎起個尿袋：「下次帶埋呢個去。」