01 · 新聞嗌制水
大粒坐喺梳化讀手機新聞，話蒲崗村道有食水管緊急維修，水務署出動水車、水箱同「供水特攻隊」為屋苑送水；大花聽完即刻話，屋企都要做準備。
02 · 緊急會議
餐枱上，大花召開「花粉居制水演習」會議，宣佈三條規矩：先儲水、要惜水、唔准開住水喉傾電話；大粒同比比坐定定聽指示。
03 · 囤水大王
比比將樽裝水、水壺同湯煲排成一個陣，仲將雪櫃入面嘅飲品全部貼上「戰略儲備」標籤；大眼企喺後面，望住成枱水，滿頭問號。
04 · 一水多用
大粒喺廚房示範將洗菜水留起嚟拖地、拖地水再留起嚟沖廁；比比拎住個水桶跟出跟入，睇到眼花，話原來水都可以「一雞三味」。
05 · 水管通返
大粒收到最新消息：食水管凌晨四點已經完成緊急維修，宏景花園、富山邨等屋苑食水供應恢復正常；比比手上仲揸住兩支水，當場呆咗。
06 · 演習成功
全家圍住餐枱舉杯飲水慶祝；大花話演習雖然白忙一場，但儲水同惜水習慣要留低，比比宣布「戰略儲備」由今日起改名做「飲品」，慢慢消耗。
今集結論